يالان

شهرين بولود كيمي باشينا يوكسه لير يالان

بو نه ياغيشدي كي بئله چيلغين الير يالان

گل گئتدي بو بازاردا ولي انصاف ائيله سك

دوزلوك يامان گئدير آراميزدان گلير يالان

ايللردي بسله يير بشيگينده، كونول لري

بير كورپه تك آچيب اوووداركن به لير يالان

چوخدا گووه نمه سين اوزونه باغبان دئنن

ايللردي كي بو باغدا گولوم ديرچه لير يالان

تكجه چوبان دگيل كي يالان سويله يير بيزه

قورد دوركي بير قوزو شه كلينده مه لير يالان

بيزكي اوركده چكمز ايديك هئچ زامان آدين

ايندي گه لير اوركده گزير، دينجه لير يالان

غفلت اليله دوزلوگو يانديرديق ايندي بس

يئرسيز دگيل كي باشيميزا كول الير يالان