يورولماز قاريشقا
يورولماز قاريشقا
اؤزوندن نئچه قات بؤيوك و آغير اولان بير بوغداني داشيييردي،چوخ ديققت له يولونو گئدريدي،قاباقدا بير چؤپ واريدي و قارينجا اونا يئتيريب داياندي،سانكي ائوئرئست اؤنوده دايانميشدي..
ساعاتلارجا اورادا دايانمادان بوغداني اويانا كئچيرتمه يه چابا گؤسته ريردي،بؤيوك بير يئر كوره سي،اوجسوز- بوجاقسيز بير ائورن(عالم) و خيرداجا بير چؤپ و بير يورولماز قاريشقا!
بوغداني ديكينه توتوردو،بوغدا يئنه آشيردي،آما يوز كز (دفعه) بو يوران ايشي تئكرارلادي،بير كز اونو ديك توتماغي باجارا بيلسه يدي اونا يئته رليدي!بويانا كئچيب،اويانا كئچيب،بوغدادان واز گئچمك ايسته ميردي،دونيادا بوتون يئمك لر سونا چاتميش كيمي!!
..سونوندا بوغداني ديك توتوب چؤپه دايانديرا بيلمه يي باجاريب اويانا آتدي و اؤزوده چؤپدن كئچيب اوزون بير يولونا داوام ائتدي..
گؤرن بو اوزون يولدا نه قدر چؤپ وار؟!!
------------------------------------- بو يازيم آفتاب آذربايجانين يئني سايي سيندا(55-نجي سايي) چاپ اولوبدور.
يازان: ائلمان اورمو اوغلو
بؤلوم : تراختور یازار : elman 7 باخیش