آزادليغي سس له ييرم..

۱۹ ارديبهشت ۱۳۹۰

آزادليغي سس له ييرم..

گونده منيم سسيم له ائو آداملاري دوروب يئني بير گون باشلاماغا حاضيرلاشيرلار.مني قوشلار دوكانيندان آليب ائوه گتيرن اوغلان اؤنجه منيم قفسيمين يانينا گليب منه دن- سو وئرير و منله اورك سؤزلرين پايلاشير..من ايسه گئت- گئده اوجادان اوخويورام!
اوغلان ايسه مني آلقيشلاييب مني آلديغي اوچون چوخ سئوينير..و بولبولدن ده بوندان آرتيق انتظار اولارمي؟!
آما بير كيمسه بو اينسانلارين ايچينده يوخمو بوتون قفس ده اوخويان قوشلارين سسيني اينسان ديلينه چئويرسين؟
من قفسده اوخومورام!من آزادليغي سس له ييرم...مني اؤزگور ائدين دئييرم..من قفسه يارانماميشم سؤيله ييرم...من بورادا اؤلورم، باغيريرام،من آزاد اولماق ايسته ييرم..
ائشيدن وارمي؟

يازار: ائلمان اورمو اوغلو


بؤلوم : تراختور یازار : elman 7 باخیش


 

بلاگا گؤره


    سلام
    عزيز گؤروشجو لر بلوقوما خوش گليبسينيز
    بو بلوقدا گؤزل آذربايجانيميزا گؤره يازيلار - شكيللر و.. اولاجاقدير
    هدفيميز ديليميزي قوروماق و آذربايجانا وفالي بير اؤولاد اولماقدير
    يوروملارينيزي گؤزله ييرم

سایغاج