سئودالي اورمو- د. لطيف

اسن  يئلدن   خبر  توتوم  اوروم  احوال و  حاليندان

كي شور اولموش بتون ائللر او  سئوگلي خياليندان

نسيم جننتين  خوشدور  دولور  شربت كيمي  جانا

آخير بال  چشمه لر  نهري  اوجا  داغلار  محاليندان

صفالي  خاطرات  اولموش  مثال  باده دير   عطرين

قلملر  هم  اوره ك سؤيلر   نگؤ ر  وصف  جماليندان

خبرتوتدوم  اسن  يئلدن نشان بولدوم قيزيل گولدن

عجب  شور  ائله ير   بولبول   مئي ناب  وصاليندان

نشاط عشقي سن سورسان او ثبت اولدوخياليمدا

نگؤر مسحور  اولوب  گؤزلر   او  زينتلي   كماليندان

اگر ال  وئرمه يير وصلت كدردير سانكي  بوحسرت

خبرسيز  قالماير  كؤنلوم  سورور هرگون   رواليندان

اوزوملو  باغلارين  بهري  كي  ثروتدير  او  درياچه ن

اسن يئللر و  هم داغلار كي سحر اولدو  جلاليندان

نگؤر   مشهور   عالم  دير   جمالين   بو   گؤزلليكلر

گؤزللرعشوه سي خوشدوركي لطف اولسا مجاليندان

لطيف جوشموش اگرعشقين نگورتوفان ائديركؤنلون