هردن اولور بير كيتاب، 

  آليب قويورام ائوه. 

  بير ايل، 

           ايكي ايل اؤتور 

  كيتاب، كيتاب ايچينده، 

  اونودولور هر نه ­سه - 

                     اوخونولمور. 

  گؤزه گيرير گزيش 

                قيزلار، 

                       ورديش، 

                                هر ايش… 

  كيتاب آياق توتور قاچير 

                        گؤزه دَيمير. 

  ائله كي  اليم هر يئردن اوزولور، 

  دوستلارين دا لاغي بهانه اولور. 

  كيتابا اوز توتورام،- 

                        اوخويورام. 

  تعريفه گلمه­ين هر بير سطيرين 

                      اوخودوقجا اوتانيرام. 

  دئييرم زاماني ائتميشم هدر، 

  كيتاب نئجه دؤزوب- 

                  اودلانماييب ايندييه قدر…

unuduruq biz nələri

:: şəhram qolkar

hərdən olur bir kitab,

alıb qoyuram evə.

bir il,

iki il otur

kitab, kitab içində,

unudulur hər nəsə-

oxunulmur.

gözə girir gəziş

qızlar,

vərdiş,

hər iş...

kitab ayaq tutur qaçir

gözə dəymir.

elə ki əlim hər yerdən üzülür,

dostların da lağı bəhanə olur.

kitaba öz tuturam,-

oxuyuram.

tərifə gəlməyən hər bir sətirini

oxuduqca utanıram.

deyirəm zamanı etmişəm hədər,

kitab necə dözüb-

odlanmayib indiyə qədər...